ന്യൂയോർക്ക് : യുഎസ് ഓപ്പണിൽ അട്ടിമറികൾ കൊണ്ട് വിസ്മയിപ്പിച്ച് മുന്നേറുകയാണ് കൗമാരതാരം ലെയ്‌ല ആനി ഫെർണാണ്ടസ്. വനിത വിഭാഗം സിംഗിൾസിൽ ലോക അഞ്ചാം നമ്പർ താരം യുക്രൈനിന്‍റെ എലീന സ്വിറ്റോലിനയെ അട്ടിമറിച്ചാണ് 19 വയസുകാരി സെമി ഫൈനലിലേക്ക് പ്രവേശിച്ചത്. മൂന്ന് സെറ്റ് നീണ്ടുനിന്ന പോരാട്ടത്തിൽ 2-1 നായിരുന്നു ഫെർണാണ്ടസിന്‍റെ വിജയം. സ്കോർ 6-3, 3-6, 7-6.
ആദ്യ സെറ്റ് സ്വന്തമാക്കിയ ലെയ്‌ലക്കെതിരെ സ്വിറ്റോലിന രണ്ടാം സെറ്റില്‍ തിരിച്ചടിച്ചു. മൂന്നാം സെറ്റില്‍ ഇരുതാരങ്ങളും ഒപ്പത്തിനൊപ്പം നിന്നതോടെ മത്സരം ടൈബ്രേക്കറിലേക്ക് കടന്നു. ടൈബ്രേക്കറില്‍ 7-5 എന്ന സ്‌കോറിന് വിജയിച്ച് ലെയ്‌ല മത്സരം സ്വന്തമാക്കുകയായിരുന്നു.