ദുബായ്‌ : 'ജെന്‍റിൽമെൻസ് ഗെയിം' എന്നാണ് ക്രിക്കറ്റ് അറിയപ്പെടുന്നത്. ഇപ്പോൾ ഈ പേര് അന്വർഥമാക്കും വിധം, എതിരാളികൾ കളിക്കളത്തിൽ മാത്രം എന്ന ആശയം പ്രാവർത്തികമാക്കിയിരിക്കുകയാണ് പാകിസ്ഥാൻ ക്രിക്കറ്റ് ടീം. മത്സര ശേഷം നമീബിയൻ താരങ്ങളെ അവരുടെ ഡ്രസിങ് റൂമിലെത്തി അഭിനന്ദിച്ചിരിക്കുകയാണ് പാക് ടീമിലെ അംഗങ്ങൾ.
ഷഹീന്‍ അഫ്രീദി, മുഹമ്മദ് ഹഫീസ്, ഹസ്സന്‍ അലി, ഫഖര്‍ സമാന്‍, ശദബ് ഖാന്‍ തുടങ്ങിയ താരങ്ങളാണ് നമീബിയന്‍ ടീം അംഗങ്ങളെ അഭിനന്ദിക്കാനായി ഡ്രസ്സിങ് റൂമിലെത്തിയത്. പാകിസ്ഥാൻ ക്രിക്കറ്റ് ബോർഡാണ് ഈ വീഡിയോ സമൂഹമാധ്യമങ്ങളിലൂടെ പങ്കുവച്ചത്. പിന്നാലെ ചുരുങ്ങിയ നേരം കൊണ്ടുതന്നെ വീഡിയോ വൈറലാകുകയായിരുന്നു.