ഷാർജ : ടി 20 ലോകകപ്പിൽ ന്യൂസിലാൻഡിന് കനത്ത തിരിച്ചടി നൽകി സ്റ്റാർ പേസർ ലോക്കി ഫെർഗൂസണിന് പരിക്ക്. പാകിസ്ഥാനെതിരായ മത്സരത്തിന് തൊട്ടുമുൻപാണ് താരത്തിന് പരിക്ക് സ്ഥിരീകരിച്ചത്. ഇതോടെ താരം ടൂർണമെന്‍റിൽ നിന്ന് പുറത്തായി. പകരം ആദം മില്ലിനെ ടീമിനൊപ്പം ചേർത്തിട്ടുണ്ട്.
പാകിസ്ഥാനെതിരായ മത്സരത്തിലെ ടോസ് വേളയിലാണ് ഫെർഗൂസണിന്‍റെ പരിക്കിനെപ്പറ്റി നായകൻ കെയ്‌ൻ വില്യംസണ്‍ വ്യക്‌തമാക്കിയത്. ഗ്രേഡ് 2 പരിക്കാണ് താരത്തിന് സ്ഥിരീകരിച്ചതെന്ന് സ്കാനിങ്ങില്‍ വ്യക്തമായിട്ടുണ്ട്. പരിക്ക് ഭേദമാകാൻ മൂന്ന് മുതൽ നാല് ആഴ്‌ചവരെ സമയമെടുക്കുമെന്നാണ് മെഡിക്കൽ സംഘം അറിയിച്ചത്.