ദുബൈ:ഇന്ത്യക്ക് വേണ്ടി അന്താരാഷ്‌ട്ര ടി20 യിൽ ഏറ്റവുമധികം വിക്കറ്റ് നേട്ടം സ്വന്തമാക്കിയ ബോളർ എന്ന റെക്കോഡ് നേട്ടം സ്വന്തമാക്കി ഇന്ത്യൻ പേസർ ജസ്‌പ്രീത് ബുംറ. സ്കോട്‌ലൻഡിനെതിരായ മത്സരത്തിൽ രണ്ട് വിക്കറ്റ് നേട്ടത്തോടെയാണ് ബുംറ ഈ റെക്കോഡ് തന്‍റെ പേരിൽ കുറിച്ചത്. 54 മത്സരങ്ങളിൽ നിന്ന് 64 വിക്കറ്റുകളാണ് നിലവിൽ ബുംറയുടെ പേരിലുള്ളത്.
യുസ്‌വേന്ദ്ര ചാഹലിന്‍റെ പേരിലുള്ള 63 വിക്കറ്റുകൾ എന്ന നേട്ടമാണ് ബുംറ മറികടന്നത്. 49 മത്സരങ്ങളിൽ നിന്നാണ് ചാഹൽ 63 വിക്കറ്റുകൾ സ്വന്തമാക്കിയിട്ടുള്ളത്. 55 വിക്കറ്റുകൾ സ്വന്തമാക്കിയ അശ്വിനാണ് പട്ടികയിൽ മൂന്നാം സ്ഥാനത്ത്. ഭുവനേശ്വർ കുമാർ, രവീന്ദ്ര ജഡേജ എന്നിവരാണ് നാല്, അഞ്ച് സ്ഥാനങ്ങളിൽ.