ബെൽഗ്രേഡ്(സെർബിയ): ലോക ഗുസ്‌തി ചാമ്പ്യൻഷിപ്പ്‌സിൽ ഇന്ത്യയുടെ ബജ്‌റംഗ് പുനിയയ്‌ക്ക് വെങ്കലം. പുരുഷന്മാരുടെ 65 കിലോഗ്രാം വിഭാഗത്തിലെ വെങ്കലപ്പോരാട്ടത്തില്‍ പ്യൂർട്ടോറിക്കോയുടെ സെബാസ്റ്റ്യൻ സി റിവേരയെയാണ് ഇന്ത്യയുടെ ഒളിമ്പിക് മെഡൽ ജേതാവുമായ ബജ്‌റംഗ് പുനിയ തോല്‍പ്പിച്ചത്. 11-9 എന്ന സ്‌കോറിനാണ് പുനിയയുടെ വിജയം.
അടുത്തിടെ കോമൺ‌വെൽത്ത് ഗെയിംസിൽ സ്വർണം നേടിയ പുനിയ പിന്നില്‍ നിന്നാണ് പൊരുതിക്കയറിയത്. ഒരു ഘട്ടത്തില്‍ 0-6ന് പിന്നിലായിരുന്നു പുനിയ. തുടര്‍ന്ന് എതിരാളിക്ക് വെറും മൂന്ന് പോയിന്‍റ് മാത്രം വിട്ടുനല്‍കിയാണ് പുനിയ ശക്തമായ തിരിച്ച് വരവ് നടത്തിയത്.