ജമൈക്ക : ഒളിമ്പിക് മെഡല്‍ ജേതാവ് ഉസൈൻ ബോൾട്ടിന് ഇരട്ടക്കുട്ടികൾ പിറന്നു. സോഷ്യല്‍ മീഡിയയില്‍ കുടുംബ ചിത്രം പങ്കുവച്ചുകൊണ്ട് ബോൾട്ടിന്‍റെ പങ്കാളി കാസി ബെന്നറ്റാണ് ഇക്കാര്യം അറിയിച്ചത്. മക്കളുടെ പേരും ചിത്രത്തിനൊപ്പം കാസി ചേർത്തിട്ടുണ്ട്.
ഇതാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാവുന്നത്. തണ്ടർ ബോൾട്ട്, സെന്‍റ് ലിയോ ബോൾട്ട് എന്നാണ് കുട്ടികള്‍ക്ക് പേരിട്ടിരിക്കുന്നത്. ഒരുവയസുകാരിയായ മൂത്ത മകളുടെ പേര് ഒളിമ്പിയ ലൈറ്റ്നിങ് ബോൾട്ട് എന്നാണ്. ഇതോടെ ലൈറ്റ്നിങ്ങും തണ്ടറും ഉള്ളപ്പോള്‍ ചുറ്റിലും എപ്പോഴും കൊടുങ്കാറ്റാവുമെന്നാണ് ആരാധകര്‍ പറയുന്നത്.