ന്യൂയോര്‍ക്ക് :യു എസ് ഓപ്പണ്‍ പുരുഷ സിംഗിള്‍സ് കിരീടം ലോക നാലാം നമ്പര്‍ താരം കാര്‍ലോസ് അല്‍കാരസിന്. നോര്‍വീജ്യയുടെ കാസ്‌പര്‍ റൂഡിനെ തോല്‍പ്പിച്ചാണ് അല്‍കാരസ് ചാമ്പ്യനായത്. 19-ാം വയസിലെ കിരീട നേട്ടത്തോടെ ലോക റാങ്കിങ്ങില്‍ ഒന്നാം സ്ഥാനത്തേക്ക് എത്തുന്ന പ്രായം കുറഞ്ഞ താരമെന്ന നേട്ടവും അല്‍കാരസിന് സ്വന്തമാകും.
സ്‌കോര്‍: 6-4, 2-6, 7-6, 6-3
നാല് സെറ്റ് നീണ്ട ആവേശപ്പോരാട്ടത്തിനൊടുവിലാണ് കാസ്‌പർ റൂഡിനെ തോൽപ്പിച്ച് കാർലോസ് അൽകാരസ് തന്റെ കന്നി ഗ്രാൻഡ്സ്ലാമിൽ മുത്തമിട്ടത്. ആദ്യ സെറ്റ് സ്പാനിഷ് താരം സ്വന്തമാക്കിയപ്പോള്‍ രണ്ടാം സെറ്റില്‍ ശക്തമായ തിരിച്ചുവരവാണ് കാസ്‌പര്‍ റൂഡ് നടത്തിയത്. ടൈബ്രേക്കറിലേക്ക് നീങ്ങിയ പോരാട്ടത്തിനൊടുവിലാണ് അല്‍കാരസ് മൂന്നാം സെറ്റ് നേടി ലീഡുയര്‍ത്തിയത്.