ന്യൂയോര്‍ക്ക് : യുഎസ് ഓപ്പണ്‍ ടെന്നീസ് പുരുഷ ഡബിള്‍സ് കിരീടം നിലനിര്‍ത്തി രാജീവ് റാം-ജോ സാലിസ്ബറി സഖ്യം. ഫൈനലില്‍ വെസ്‌ലി കൂൾഹോഫ്- നീൽ സ്‌കുപ്‌സ്കി സഖ്യത്തെയാണ് ഇരുവരും തോല്‍പ്പിച്ചത്. കനത്ത പോരാട്ടത്തിനൊടുവില്‍ ഏകപക്ഷീയമായ രണ്ട് സെറ്റുകള്‍ക്കാണ് അമേരിക്കന്‍ താരമായ രാജീവ് റാമും ബ്രിട്ടീഷ് താരമായ സാലിസ്ബറിയും ജയിച്ച് കയറിയത്.
സ്കോര്‍: 7-6(4), 7-5. ഒരു മണിക്കൂര്‍ 57 മിനിട്ടാണ് മത്സരം നീണ്ടുനിന്നത്. വിജയത്തോടെ ഓപ്പണ്‍ കാലഘട്ടത്തില്‍ യുഎസ് ഓപ്പണ്‍ പുരുഷ ഡബിള്‍സ് കിരീടം നിലനിര്‍ത്തുന്ന രണ്ടാമത്തെ മാത്രം താരങ്ങളാവാനും രാജീവ് റാം-ജോ സാലിസ്ബറി സഖ്യം മാറി.