ന്യൂയോര്‍ക്ക് : യുഎസ് ഓപ്പൺ ടെന്നീസിന്‍റെ ക്വാര്‍ട്ടറില്‍ പ്രവേശിച്ച് സ്‌പാനിഷ് സെന്‍സേഷന്‍ കാർലോസ് അൽകാരസ്. പുരുഷ വിഭാഗം പ്രീ ക്വാര്‍ട്ടറില്‍ 2014-ലെ ചാമ്പ്യനായ ക്രൊയേഷ്യയുടെ മാരിൻ സിലിച്ചിനെയാണ് ലോക മൂന്നാം നമ്പർ താരമായ അൽകാരസ് മറികടന്നത്.
മൂന്ന് മണിക്കൂര്‍ 57 മിനിട്ട് നീണ്ടുനിന്ന അഞ്ച് സെറ്റ് പോരാട്ടത്തിനൊടുവിലാണ് 19കാരന് മുന്നില്‍ 33കാരനായ സിലിച്ച് കീഴടങ്ങിയത്. ആദ്യ സെറ്റ് സ്വന്തമാക്കിയ അൽകാരസ് രണ്ടാം സെറ്റ് കൈവിട്ടു. മൂന്നാം സെറ്റ് സ്വന്തമാക്കിയ അല്‍കാരസ് ലീഡെടുത്തെങ്കിലും നാലാം സെറ്റ് പിടിച്ച് സിലിച്ച് ഒപ്പമെത്തി.