ബ്രസല്‍സ് (ബെല്‍ജിയം):യുവേഫ യൂറോപ്പ ലീഗ് (UEFA Europa League) ഫുട്‌ബോളില്‍ ഗ്രൂപ്പ് ഘട്ടത്തിലെ അവസാന മത്സരത്തില്‍ ലിവര്‍പൂളിന് തോല്‍വി. ബെല്‍ജിയന്‍ ക്ലബായ യൂണിയന്‍ സെയ്‌ന്‍റ് ഗില്ലോയ്‌സാണ് (Union Saint Gilloise) ഇംഗ്ലീഷ് വമ്പന്മാരെ പരാജയപ്പെടുത്തിയത്. ലിവര്‍പൂളിന്‍റെ യുവതാരനിര അണിനിരന്ന മത്സരത്തില്‍ ഒന്നിനെതിരെ രണ്ട് ഗോളുകള്‍ക്കാണ് യുഎസ്‌ജി (USG).
മുഹമ്മദ് അമൗറ (Mohammed Amoura) കാമറൂണ്‍ പ്യൂട്ടസ് (Cameron Puertas) എന്നിവരാണ് ആതിഥേയരായ യൂണിയന്‍ സെയ്‌ന്‍റ് ഗില്ലോയ്‌സിനായി ഗോള്‍ നേടിയത്. ജാരെൽ അമോറിൻ ക്വാൻസ (Jarell Amorin Quansah) ആയിരുന്നു ലിവര്‍പൂളിന്‍റെ ഗോള്‍ സ്കോറര്‍. ആദ്യ പകുതിയിലാണ് മത്സരത്തിലെ മൂന്ന് ഗോളും പിറന്നത്.
ലോട്ടോ പാര്‍ക്കില്‍ പന്ത് കൈവശം വച്ച് കളിച്ചത് ലിവര്‍പൂള്‍ ആയിരുന്നെങ്കിലും ആക്രമണങ്ങള്‍ കൂടുതലും നടത്തിയത് ആതിഥേരായിരുന്നു. 31 ശതമാനം മാത്രം ബോള്‍ പൊസഷനില്‍ പന്ത് തട്ടിയ യുഎസ്‌ജി ആകെ 15 ഷോട്ടുകളാണ് ലിവര്‍പൂള്‍ ഗോള്‍മുഖത്തേക്ക് പായിച്ചത്. അതില്‍ ആറ് ഷോട്ട് ഓണ്‍ ടാര്‍ഗെറ്റ് ആയതില്‍ രണ്ടെണ്ണമാണ് ഗോളായി മാറിയത്.
32-ാം മിനിറ്റിലായിരുന്നു യുഎസ്‌ജി മത്സരത്തില്‍ ആദ്യം ലീഡ് നേടുന്നത്. മുഹമ്മദ് അമൗറയാണ് ആതിഥേയര്‍ക്ക് ലീഡ് സമ്മാനിച്ചത്. പിന്നാലെ തന്നെ ലിവര്‍പൂള്‍ യുഎസ്‌ജിയ്‌ക്കൊപ്പം പിടിച്ചു.