സോഷ്യല്‍ മീഡിയയില്‍ തരംഗമായ, മമ്മൂട്ടി ചിത്രം ഭീഷ്‌മപർവത്തിലെ 'ചാമ്പിക്കോ'യുമായി ഇംഗ്ലീഷ് പ്രീമിയര്‍ ലീഗ് ക്ലബ് ടോട്ടനം. 'ചാമ്പിക്കോ'യുടെ വീഡിയോ വേര്‍ഷനാണ് സോഷ്യല്‍ മീഡിയയില്‍ ഇടം പിടിച്ചതെങ്കില്‍, ഒരു ഫോട്ടോയുടെ ക്യാപ്ഷനായാണ് ടോട്ടനത്തിന്‍റെ 'ചാമ്പിക്കോ'. ക്ലബ്ബിന്‍റെ ഔദ്യോഗിക ട്വിറ്റര്‍ പേജിലാണ് ഇത് സംബന്ധിച്ച ചിത്രം പങ്കുവച്ചിട്ടുള്ളത്.
ടീമിലെ നോർത്ത് കൊറിയൻ താരം സൺ ഹ്യും മിനാണ് ഫോട്ടോയിലുള്ളത്. ന്യൂകാസിലുമായുള്ള മത്സരത്തില്‍ ഗോള്‍ നേടിയതിന് ശേഷം ക്യാമറയെ നോക്കി 'ക്ലിക്ക്' ചെയ്യുന്ന താരത്തിന്‍റെ ആഘോഷമാണ് ചിത്രം. ഇതിന്‍റെ ക്യാപ്ഷനായാണ് ചാമ്പിക്കോയെന്ന് എഴുതിയിട്ടുള്ളത്.