അക്ര (ഘാന) : കളിയില്‍ തോറ്റതിന് പിന്നാലെ എതിരാളിയുടെ കരണത്തടിച്ച് കൗമാര ടെന്നിസ് താരം. ഘാനയിൽ നടന്ന ഐടിഎഫ് ജൂനിയേഴ്‌സ് ടൂർണമെന്‍റിനിടെയാണ് സംഭവം. ഫ്രാന്‍സിന്‍റെ മൈക്കല്‍ കൗമ, ഘാനയുടെ റാഫേല്‍ നി അങ്കാര എന്നിവര്‍ തമ്മിലായിരുന്നു മത്സരം.
മത്സരത്തില്‍ ഫ്രാന്‍സ് താരമായ കൗമ പരാജയപ്പെട്ടിരുന്നു. തുടര്‍ന്ന് പരസ്പരം ഹസ്‌തദാനം നടത്തിയെങ്കിലും അതിനിടെ കൗമ എതിരാളിയായ അങ്കാരയുടെ മുഖത്തടിക്കുകയായിരുന്നു. കാണികളിലൊരാള്‍ പകര്‍ത്തിയ സംഭവത്തിന്‍റെ ദൃശ്യം സമൂഹമാധ്യമങ്ങളില്‍ വൈറലാണ്.