കാലിഫോർണിയ: റാഫേൽ നദാലിന്‍റെ സീസണിലെ അപരാജിത കുതിപ്പിന് വിരാമം. ഇന്ത്യൻ വെൽസ് ഓപ്പണിന്‍റെ ഫൈനലിൽ അമേരിക്കൻ യുവ താരം ഇരുപതാം സീഡ് ടൈലർ ഫ്രിറ്റ്സ് ആണ് നാലാം സീഡ് ആയ നദാലിനെ അട്ടിമറിച്ചത്. 2022 ൽ തുടർച്ചയായി 20 ജയങ്ങൾക്ക് ശേഷമാണ് നദാലിന്‍റെ തോൽവി.
ലോക റാങ്കിങ്ങിൽ 20-ാം സ്ഥാനത്തുള്ള ഫ്രിറ്റ്സ് തന്‍റെ കരിയറിലെ രണ്ടാമത്തെ കിരീടവും എലൈറ്റ് മാസ്റ്റേഴ്‌സ് 1000 ലെവലിലെ ആദ്യ കിരീടവുമാണ് സ്വന്തമാക്കിയത്. 37-ാം മാസ്റ്റേഴ്‌സ് കിരീടം ലക്ഷ്യമിട്ടിറങ്ങിയ നദാലിനെ 6-3, 7-6 (7/5) എന്ന സ്‌കോറിനാണ് ഫ്രിറ്റ്സ് തോൽപ്പിച്ചത്.