ന്യൂഡല്‍ഹി: സാഗര്‍ റാണ കൊലക്കേസിൽ അറസ്റ്റിലായ ഒളിമ്പിക് മെഡല്‍ ജേതാവ് സുശീൽ കുമാറിനെ ജോലിയിൽ നിന്നും ഇന്ത്യന്‍ റെയിൽവെ സസ്‌പെൻഡ് ചെയ്തു. ഇനിയൊരു അറിയിപ്പുണ്ടാകും വരെയാണ് സസ്‌‌പെന്‍ഷന്‍. നോര്‍ത്തേണ്‍ റെയിൽവെയിൽ സീനിയർ കമേർഷ്യൽ മാനേജറായ സുശീൽ 2015 മുതൽ ഡൽഹി സര്‍ക്കാറിന് കീഴില്‍ ഡെപ്യൂട്ടേഷനിലായിരുന്നു.
മുന്‍ ദേശീയ ജൂനിയര്‍ ഗുസ്തി ചാമ്പ്യന്‍ സാഗര്‍ റാണയുടെ കൊലപാതകവുയി ബന്ധപ്പെട്ട് പിടിയിലായ സുശീല്‍ നിലവില്‍ ആറ് ദിവസത്തെ പൊലീസ് കസ്റ്റഡിയിലാണ്. മെയ് നാലിനാണ് വാടക വീട് ഒഴിയുന്നതുമായി ബന്ധപ്പെട്ട തര്‍ക്കത്തെത്തുടര്‍ന്ന് ഛത്രസാല്‍ സ്റ്റേഡിയത്തില്‍വെച്ച് നടന്ന കൈയാങ്കളിക്ക് പിന്നാലെയാണ് സാഗര്‍ റാണ കൊല്ലപ്പെടുന്നത്.