ന്യൂഡല്‍ഹി: ഹോക്കി താരം ഒളിമ്പ്യന്‍ പി.ആര്‍ ശ്രീജേഷ്, ഒളിമ്പിക്‌സ് സ്വർണ മെഡൽ ജേതാവ് നീരജ് ചോപ്ര, ഗുസ്തി താരം രവികുമാർ, പാരാ ഷൂട്ടർ അവനി ലേഖര, ഇന്ത്യൻ ഫുട്‌ബോൾ ടീം ക്യാപ്റ്റൻ സുനിൽ ഛേത്രി, ഇന്ത്യൻ വനിതാ ക്രിക്കറ്റ് താരം മിതാലി രാജ് എന്നിവരുൾപ്പെടെ 11 കായികതാരങ്ങൾ മേജർ ധ്യാൻചന്ദ് ഖേൽരത്‌ന പുരസ്‌കാരം ഏറ്റുവാങ്ങി.
രാഷ്ട്രപതി ഭവനില്‍ നടന്ന ചടങ്ങില്‍ രാഷ്ട്രപതി രാംനാഥ് കോവിന്ദാണ് പുരസ്‌ക്കാരം വിതരണം ചെയ്‌തത്. ലവ്‌ലിന ബോര്‍ഗോഹിന്‍ ( ബോക്‌സിങ് ), സുമിത് ആന്‍റില്‍ ( പാരാ അത്‌ലറ്റിക്‌സ് ), പ്രമോദ് ഭഗത് ( പാരാ ബാഡ്‌മിന്‍റണ്‍ ), മനീഷ് നര്‍വാള്‍ ( പാരാ ഷൂട്ടിങ് ), മന്‍പ്രീത് സിങ് ( ഹോക്കി ) എന്നിവരാണ് രാഷ്ട്രപതിയില്‍ നിന്നും പുരസ്‌ക്കാരമേറ്റ് വാങ്ങിയ മറ്റ് താരങ്ങള്‍.