ന്യൂയോര്‍ക്ക് :യുഎസ് ഓപ്പണ്‍ രണ്ടാം റൗണ്ടില്‍ ഇതിഹാസ താരം അമേരിക്കയുടെ സെറീന വില്യംസിന് തകർപ്പൻ ജയം. രണ്ടാം റൗണ്ടില്‍ ലോക രണ്ടാം നമ്പര്‍ താരം എസ്‌തോണിയയുടെ അനെറ്റ് കോണ്‍ടാവെയ്റ്റിനെയാണ് സെറീന തകർത്തത്. വിജയത്തോടെ താരം മൂന്നാം റൗണ്ടിൽ പ്രവേശിച്ചു. സ്‌കോര്‍: 7-6, 2-6, 6-2.
മൂന്ന് സെറ്റ് നീണ്ടുനിന്ന ശക്‌തമായ പോരാട്ടത്തിനൊടുവിലാണ് വെറ്ററന്‍ താരമായ സെറീനയുടെ വിജയം. ഇത്തവണത്തെ യുഎസ് ഓപ്പണിന് ശേഷം വിരമിക്കൽ പ്രഖ്യാപിച്ചിരിക്കുന്ന താരം മത്സരത്തിലുടനീളം തകർപ്പൻ പ്രകടനമാണ് പുറത്തെടുത്തത്. മൂന്നാം റൗണ്ടിൽ ഓസ്‌ട്രേലിയയുടെ അയ്‌ല ടോംല്യാനോവിച്ചാണ് സെറീനയുടെ എതിരാളി.
അതേസമയം പുരുഷ വിഭാഗത്തിൽ ലോക ഒന്നാം നമ്പര്‍ താരം ഡാനില്‍ മെദ്‌വെദേവ് മൂന്നാം റൗണ്ടിൽ പ്രവേശിച്ചു. ഫ്രഞ്ച് താരം ആര്‍തര്‍ റിന്‍ഡര്‍നെച്ചിനെ മൂന്ന് റൗണ്ടുകൾ നീണ്ട പോരാട്ടത്തിനൊടുവിലാണ് മെദ്‌വെദേവ് തകർത്തത്. സ്‌കോര്‍: 6-2, 7-5, 6-3.