ന്യൂഡല്‍ഹി : സാഗര്‍ റാണ കൊലക്കേസിലെ സാക്ഷികള്‍ക്ക് സംരക്ഷണം നല്‍കണമെന്ന് ഡല്‍ഹി പൊലീസിന് ഹെെക്കോടതി നിര്‍ദേശം. കേസുമായി ബന്ധപ്പെട്ട് അറസ്റ്റിലായ ഒളിമ്പ്യന്‍ സുശീല്‍ കുമാറിനെ ജുഡീഷ്യല്‍ കസ്റ്റഡിയില്‍ വിട്ട് ഒരു ദിവസത്തിന് ശേഷമാണ് പൊലീസിന് ഹെക്കോടതി നിര്‍ദേശം നല്‍കിയത്.
അതേസമയം ഒമ്പത് ദിവസത്തേക്കാണ് സുശീലിനെ ജുഡീഷ്യല്‍ കസ്റ്റഡിയില്‍ വിട്ടിരിക്കുന്നത്. അന്വേഷണ സംഘം മൂന്ന് ദിവസത്തേക്ക് കൂടി കസ്റ്റഡി ആവശ്യപ്പെട്ടിരുന്നെങ്കിലും കോടതി നിരസിച്ചു. കൊലപാതകം, തട്ടിക്കൊണ്ടുപോകൽ എന്നീ കുറ്റങ്ങളാണ് സുശീൽ കുമാറിനെതിരെ ഡല്‍ഹി പൊലീസ് ചുമത്തിയിരിക്കുന്നത്. കൊലപാതത്തിന് പിന്നിലെ മുഖ്യ സൂത്രധാരന്‍ സുശീലാണെന്ന് അന്വേഷണ സംഘം നേരത്തെ തന്നെ കോടതിയെ അറിയിച്ചിരുന്നു.