പൂനെ : ടാറ്റ ഓപ്പൺ മഹാരാഷ്‌ട്ര 2022ലെ പുരുഷ ഡബിൾസ് കിരീടം സ്വന്തമാക്കി ഇന്ത്യൻ താര ജോഡികളായ രോഹൻ ബൊപ്പണ്ണ-രാംകുമാർ രാമനാഥൻ സഖ്യം. ഓസ്‌ട്രേലിയയുടെ ലൂക്ക് സാവില്ലെ- ജോൺ-പാട്രിക് സ്‌മിത്ത് സഖ്യത്തെ ഒന്നിനെതിരെ രണ്ട് സെറ്റുകൾക്ക് തകര്‍ത്താണ് ഇന്ത്യൻ സഖ്യം തങ്ങളുടെ രണ്ടാം എടിപി വേൾഡ് ടൂർ കിരീടം സ്വന്തമാക്കിയത്. സ്കോർ: 7-6 (10), 3-6, 6-10.
നേരത്തെ ജനുവരിയിൽ അഡ്‌ലെയ്‌ഡ് ഇന്‍റർനാഷണൽ കിരീടം ബൊപ്പണ്ണ-രാമനാഥൻ സഖ്യം സ്വന്തമാക്കിയിരുന്നു. വെറ്ററൻ താരം രോഹൻ ബൊപ്പണ്ണയുടെ 21-ാമത് എടിപി ടൂർ കിരീടമാണിത്. രാംകുമാർ രാമനാഥന്‍റെ രണ്ടാമത്തെ എടിപി ടൂർ കിരീടവും. ഒരു മണിക്കൂർ 45 മിനിട്ടും നീണ്ടുനിന്ന വാശിയേറിയ പോരാട്ടത്തിനൊടുവിലാണ് ഇന്ത്യൻ സഖ്യം വിജയം പിടിച്ചെടുത്തത്.