ഹൈദരാബാദ് :സോഷ്യല്‍ മീഡിയയില്‍ വൈറലായ തമിഴ്‌ ചിത്രം ബീസ്റ്റിലെ അറബിക് കുത്ത് ഗാനത്തിന്‍റെ അലയൊലികള്‍ അവസാനിക്കുന്നില്ല. വിജയ്‌ നായകനായ ചിത്രത്തിലെ ഗാനത്തിന് ചുവടുവെച്ച് നിരവധി പ്രമുഖര്‍ രംഗത്തെത്തിയിരുന്നു. ഈനിരയിലേക്ക് ചേരുകയാണ് രണ്ട് തവണ ഒളിമ്പിക്‌സ് മെഡൽ ജേതാവായ ബാഡ്‌മിന്‍റണ്‍ താരം പിവി സിന്ധു.
കഴിഞ്ഞ ദിവസമാണ് സിന്ധു അറബിക് കുത്തിന് ചുവടുവച്ച് രംഗത്തെത്തിയത്. തന്‍റെ ഔദ്യോഗിക ഇൻസ്റ്റഗ്രാം പേജിലൂടെയാണ് ഡാന്‍സ് വീഡിയോ താരം പങ്കുവച്ചത്. ആരാധകര്‍ ഏറ്റെടുത്ത വീഡിയോയിപ്പോള്‍ സോഷ്യല്‍ മീഡിയയില്‍ വൈറലാണ്.