ലണ്ടന്‍ : ലോകത്ത് ഏറ്റവും കൂടുതൽ പ്രതിഫലം വാങ്ങുന്ന വനിത അത്‌ലറ്റുകളുടെ പട്ടികയുടെ മുന്‍ നിരയില്‍ ഇടം നേടി ഇന്ത്യയുടെ ബാഡ്മിന്‍റൺ താരം പിവി സിന്ധു. ഫോർബ്‌സിന്‍റെ വാർഷിക പട്ടികയില്‍ 12-ാം സ്ഥാനത്താണ് സിന്ധു. 7.1 മില്യണ്‍ ഡോളറാണ് സിന്ധു ഈ വര്‍ഷം സമ്പാദിച്ചത്.
ഇതില്‍ 7 മില്യണ്‍ ഡോളറും കളത്തിന് പുറത്തുനിന്നാണ്. പട്ടികയിലെ ആദ്യ പത്തില്‍ ടെന്നീസ് താരങ്ങളുടെ ആധിപത്യമാണ്. ഏഴ്‌ പേരാണ് ആദ്യ പത്തിലെ ടെന്നീസ് താരങ്ങള്‍. ജപ്പാന്‍റെ നവോമി ഒസാക്കയാണ് തുടര്‍ച്ചയായ മൂന്നാം തവണയും ഒന്നാമതെത്തിയത്.
51.11 മില്യണ്‍ ഡോളറാണ് നവോമി ഒസാക്ക ഈ വര്‍ഷം സമ്പാദിച്ചത്. സെറീന വില്യംസാണ് രണ്ടാമത്. 41.3 മില്യണ്‍ ഡോളറാണ് താരത്തിന്‍റെ ഈ വര്‍ഷത്തെ സമ്പാദ്യം. ചൈനയുടെ ഫ്രീസ്റ്റൈൽ സ്കീയിങ് താരമായ എലീൻ ഗുവാണ് മൂന്നാമത്.