ന്യൂഡല്‍ഹി : അണ്ടര്‍ 20 ലോക അത്‍ലറ്റിക്‌സ് ചാമ്പ്യന്‍ഷിപ്പില്‍ വെള്ളി മെഡല്‍ നേടിയ അമിത് ഖാത്രിയെ അഭിനന്ദിച്ച് ട്രാക്ക് ആൻഡ് ഫീൽഡ് ഇതിഹാസം പി.ടി ഉഷയും ഒളിമ്പിക് ചാമ്പ്യൻ നീരജ് ചോപ്രയും. ട്വിറ്ററിലൂടെയാണ് ഇരുവരും അമിതിന് അഭിനന്ദനങ്ങളറിയിച്ചത്.
കഠിനാധ്വാനം തുടരാനും തുടര്‍ന്നുള്ള മത്സരങ്ങളിലും കൂടുതല്‍ മികവ് പുലർത്താനാവട്ടെയെന്നുമാണ് പിടി ഉഷയുടെ ആശംസ.
"മെഡൽ നേട്ടത്തിന് അഭിനന്ദനങ്ങൾ, അമിത്. രാജ്യത്തിന് രണ്ടാമത്തെ മെഡൽ നേടിത്തന്ന ഒരു മികച്ച പ്രകടനം. കഠിനാധ്വാനം തുടരുക. തുടര്‍ന്നുള്ള മത്സരങ്ങളിലും കൂടുതല്‍ മികവ് പുലർത്താനാവട്ടെ! ജയ് ഹിന്ദ്" പിടി ഉഷ ട്വീറ്റ് ചെയ്തു.