പാരിസ് :സൂപ്പര്‍ താരം എംബാപ്പയെ ടീമില്‍ നിലനിര്‍ത്തിയതിന് പിന്നാലെ ബ്രസീലിയന്‍ താരം നെയ്‌മറെ വില്‍ക്കാനൊരുങ്ങി പിഎസ്‌ജി. താരത്തിന്‍റെ ഫിറ്റ്‌നസിലുള്ള ആശങ്കയും ഉയര്‍ന്ന വേതനവുമാണ് ക്ലബ്ബിന്‍റെ തീരുമാനത്തിന് കാരണമെന്നാണ് ഫ്രഞ്ച് മാധ്യമങ്ങള്‍ റിപ്പോര്‍ട്ട് ചെയ്യുന്നത്. 2017-ല്‍ ട്രാന്സ്ഫര് വിപണിയിലെ റെക്കോഡ് തുകയ്‌ക്കാണ് നെയ്‌മര്‍ പിഎസ്‌ജിയിലേക്ക് എത്തിയത്.
നെയ്‌മറിനെ വില്‍ക്കാനൊരുങ്ങി പിഎസ്‌ജി ? ; താരത്തിന്‍റെ ഫിറ്റ്‌നസില്‍ ക്ലബ്ബിന് ആശങ്ക - നെയ്‌മറിനെ വില്‍ക്കാനൊരുങ്ങി പിഎസ്‌ജി
2017-ലാണ് ബാഴ്‌സലോണ വിട്ട് നെയ്‌മര്‍ റെക്കോഡ് ട്രാന്സ്ഫര് തുകയ്‌ക്ക് പിഎസ്‌ജിയിലെത്തിയത്
നെയ്‌മറിനെ വില്‍ക്കാനൊരുങ്ങി പിഎസ്‌ജി...? താരത്തിന്‍റെ ഫിറ്റനസില്‍ ക്ലബ്ബിനാശങ്ക
ബാഴ്‌സലോണ വിട്ടെത്തിയ നെയ്‌മര്‍ പിഎസ്‌ജിയില്‍ എംബാപ്പെയുടെ നിഴലിലായിരുന്നു. പരിക്കിന്‍റെ പിടിയിലായ ഈ സീസണില്‍ 28 മത്സരങ്ങളില്‍ നിന്ന് 13 ഗോളുകളാണ് താരം നേടിയത്. 2025 വരെയാണ് നെയ്‌മറിന് ടീമുമായുള്ള കരാര്‍.
ഫുട്ബോള്‍ ലോകത്ത് ന്യൂകാസില്‍ യുണൈറ്റഡാണ് നിലവില്‍ പ്രമുഖ താരങ്ങളെ ലക്ഷ്യമിടുന്ന ടീം. ന്യൂകാസിലിലേക്ക് നെയ്‌മര്‍ ചേക്കാറാനും നിലവിലെ സാഹചര്യത്തില്‍ സാധ്യത കുറവാണ്. ബ്രസീലിയന്‍ സൂപ്പര്‍താരത്തെ ടീമിലെത്തിക്കാന്‍ യൂറോപ്പിലെ മുന്‍നിര ടീമുകളും ഇതുവരെ താല്‍പര്യം പ്രകടിപ്പിച്ച് രംഗത്തെത്തിയിട്ടില്ല.