പാരിസ്‌: ഫ്രഞ്ച് ലീഗിൽ മാഴ്‌സയെ മറികടന്ന് ലീഗ് കിരീടത്തിന്‍റെ തൊട്ടരികിലെത്തി പിഎസ്‌ജി. ലീഗിൽ രണ്ടാം സ്ഥാനത്തുള്ള മാഴ്‌സയെ ഒന്നിനെതിരെ രണ്ടു ഗോളുകൾക്കായിരുന്നു പിഎസ്‌ജി പരാജയപ്പെടുത്തിയത്. ഈ ജയത്തോടെ പിഎസ്‌ജിക്ക് കിരീടം വെറും ഒരു ജയം മാത്രം അകലെയാണ്.
നെയ്‌മർ, കിലിയന്‍ എംബാപ്പെ എന്നിവരാണ് പിഎസ്‌ജിയ്ക്കാ‌യി ഗോൾ നേടിയത്. ഡൂജ കലേറ്റയാണ് മാഴ്‌സയുടെ ഗോൾ നേടിയത്. 41-ാം മിനിറ്റിൽ മെസി ഗോൾ നേടിയെങ്കിലും നിഷേധിക്കപ്പെട്ടു.
ജയത്തോടെ പിഎസ്‌ജിക്ക് 32 മത്സരങ്ങളിൽ നിന്ന് 74 പോയിന്‍റായി. രണ്ടാമതുള്ള മാഴ്സെക്ക് 59 പോയിന്‍റാണുള്ളത്. മാഴ്സെക്ക് പരമാവധി 77 പോയിന്‍റ് മാത്രമാണ് നേടാനാകുക. എന്നാൽ പിഎസ്‌ജിക്ക് അടുത്ത മത്സരത്തിൽ ആംഗേഴ്‌സിനെ മറികടന്നാൽ തന്നെ കിരീടം ഉറപ്പാകും.