ലണ്ടൻ: പ്രീമിയർ ലീഗ് അഞ്ചാം റൗണ്ട് മത്സരത്തിൽ കരുത്തരായ മാഞ്ചസ്റ്റർ യുണൈറ്റഡിനെ സമനിലയിൽ തളച്ച് ലീഗിലെ അവസാന സ്ഥാനക്കാരായ ബേണ്‍ലി. മത്സരത്തിൽ ഇരു ടീമുകളും ഓരോ ഗോളുകൾ വീതം നേടി.
മത്സരത്തിന്‍റെ ആദ്യ പകുതിയിൽ നിരവധി ഗോൾ അവസരങ്ങളാണ് യുണൈറ്റഡ് സൃഷ്‌ടിച്ചെടുത്തത്. റൊണാൾഡോയെ പുറത്തിരുത്തി മത്സരം ആരംഭിച്ച യുണൈറ്റഡ് ആദ്യ പകുതിയിൽ തന്നെ രണ്ട് ഗോളുകൾ നേടിയിരുന്നു. എന്നാൽ അവ രണ്ടും നിഷേധിക്കപ്പെട്ടു.
വരാനെ നേടിയ ഒരു ഗോൾ ഓഫ് സൈഡ് കാരണം നഷ്‌ടമായപ്പോൾ, ഒരു സെൽഫ് ഗോൾ പോഗ്‌ബയുടെ ഫൗൾ കാരണവും നിഷേധിക്കപ്പെട്ടു. എന്നാൽ പോഗ്‌ബയിലൂടെ തന്നെ 18-ാം മിനിട്ടിൽ യുണൈറ്റഡ് തങ്ങളുടെ ആദ്യ ഗോൾ സ്വന്തമാക്കി. ഇതോടെ ഒരു ഗോളിന്‍റെ ലീഡുമായി യുണൈറ്റഡ് ആദ്യ പകുതി അവസാനിപ്പിച്ചു.