ന്യൂഡല്‍ഹി : രാജ്യത്തെ യുവാക്കളിൽ കായിക രംഗത്തോടുള്ള അഭിനിവേശമാണ് മേജർ ധ്യാൻചന്ദിനുള്ള ഏറ്റവും വലിയ ആദരമെന്ന് പ്രധാനമന്ത്രി നരേന്ദ്ര മോദി.
ദേശീയ കായിക ദിനമായ ഞായറാഴ്‌ച പ്രതിമാസ റേഡിയോ പരിപാടിയായ മന്‍കി ബാത്തില്‍ സംസാരിക്കുകയായിരുന്നു അദ്ദേഹം.
'നാല് പതിറ്റാണ്ടിന് ശേഷം ഈ വർഷം നാം ഹോക്കിയിൽ ഒളിമ്പിക് മെഡൽ നേടി. മേജർ ധ്യാൻ ചന്ദ് ഇന്ന് എത്ര സന്തോഷവാനായിരിക്കുമെന്ന് നിങ്ങൾക്ക് ചിന്തിക്കാവുന്നതേയുള്ളൂ. കായിക രംഗത്തോടുള്ള ഇന്നത്തെ യുവാക്കളുടെ അഭിനിവേശമാണ് അദ്ദേഹത്തിനുള്ള ഏറ്റവും വലിയ ആദരം'- പ്രധാനമന്ത്രി പറഞ്ഞു.