കോട്ടയം:പാലാ നഗരസഭ സ്‌റ്റേഡിയത്തിൽ പരിശീലനത്തിനെത്തിയ ഏഷ്യൻ ഗെയിംസ് ലോങ് ജംപ് വെള്ളി മെഡൽ ജേതാവ് നീന പിന്റോയ്ക്കും ഭര്‍ത്താവിനും നേരെ അസഭ്യവർഷം നടത്തിയ സംഭവത്തില്‍ സര്‍ക്കാരിനെതിരെ വിമര്‍ശനവുമായി കായിക താരം. സംഭവം നടന്ന് ഒരാഴ്‌ച പിന്നിട്ടിട്ടും കായിക മന്ത്രിയോ, ബന്ധപ്പെട്ട വകുപ്പ് ഉദ്യോഗസ്ഥരോ തന്നെ വിളിക്കുകയോ അന്വേഷിക്കുകയോ ചെയ്‌തില്ല. ഈ പ്രവണത വളര്‍ന്നുവരുന്ന താരങ്ങളെ നിരാശപ്പെടുത്തുന്നതാണെന്ന് നീന പിന്‍റോ ആരോപിച്ചു.
ദേശീയ കായിക താരം നീന പിന്‍റോയും ഭര്‍ത്താവ് പിന്‍റോ മാത്യുവും
കായിക താരങ്ങള്‍ക്ക് സ്വതന്ത്രമായി പരിശീലനം നടത്താന്‍ സൗകര്യം ഉണ്ടാക്കണം. കായിക താരങ്ങൾക്ക് വളരാൻ വേണ്ട സൗകര്യങ്ങൾ ഒരുക്കണം. പരിശീലനത്തിന് പ്രത്യേക പരിഗണന നല്‍കണമെന്നും നീന പിന്‍റോ കൂട്ടിച്ചേര്‍ത്തു.