ദോഹ:ലോകകപ്പിന് ഒരുങ്ങുന്ന അർജന്‍റീനയ്ക്ക് വീണ്ടും തിരിച്ചടി. അര്‍ജന്‍റൈന്‍ താരങ്ങളായ നിക്കോളസ് ഗോണ്‍സാലസ്, ജോക്വിൻ കൊറേയ എന്നിവർ ടീമിൽ നിന്ന് പുറത്തായി. പരിക്കിൽ നിന്ന് മുക്തരാകാത്തതാണ് ഇരുവര്‍ക്കും 26 അംഗ ടീമിൽ നിന്ന് പുറത്തേക്കുള്ള വഴി തുറന്നത്.
അത്‍ലറ്റികോ മാഡ്രിഡിന്‍റെ എയ്ഞ്ചൽ കൊറെയ, തിയാഗോ അൽമാഡ എന്നിവര്‍ ഇവര്‍ക്ക് പകരക്കാരായി അര്‍ജന്‍റീനയുടെ 26 അംഗ ടീമിലെത്തി. മാഞ്ചസ്റ്റര്‍ യുണൈറ്റഡിന്‍റെ കൗമാരതാരം അലന്‍ജാന്‍ഡ്രോ ഗെര്‍ണാച്ചോ ടീമിലേക്കെത്തുമെന്ന് അഭ്യൂഹങ്ങളുണ്ടായിരുന്നു. എന്നാല്‍ അറ്റ്‌ലാന്‍റ യുണൈറ്റഡിന്‍റെ അറ്റാക്കിങ് മിഡ്‌ഫീല്‍ഡര്‍ തിയാഗോ അല്‍മാഡയെ ടീമില്‍ ഉള്‍പ്പെടുത്താനായിരുന്നു പരിശീലകൻ ലിയോണൽ സ്‌കലോണിയുടെ തീരുമാനം.