ന്യൂഡല്‍ഹി: ടോക്കിയോ ഒളിമ്പിക്‌സ് സ്വർണമെഡൽ ജേതാവ് നീരജ് ചോപ്രയ്‌ക്ക് മറ്റൊരു പൊന്‍തൂവല്‍ കൂടി. കരസേനയിലെ രജ്‌പുത്താന (4) റൈഫിൾസിന്‍റെ പരം വിശിഷ്ട സേവാ മെഡൽ റിപ്പബ്ലിക് ദിനത്തില്‍ താരത്തിന് സമ്മാനിക്കും.
ഇന്ത്യൻ ആർമിയില്‍ സുബേദാറാണ് നീരജ് ചോപ്ര. 2016-ൽ നൈബ് സുബേദാറായി നേരിട്ടുള്ള എൻട്രിയായാണ് നീരജ് രജ്‌പുത്താന റൈഫിൾസില്‍ എൻറോൾ ചെയ്തത്. തുടര്‍ന്ന് പുണെയിലെ മിഷൻ ഒളിമ്പിക്‌സ് വിങ്ങിലും, ആർമി സ്‌പോർട്‌സ് ഇൻസ്റ്റിറ്റ്യൂട്ടിലും പരിശീലനത്തിനായി തിരഞ്ഞെടുക്കപ്പെട്ടു.