അബുദാബി : ഫോര്‍മുല വൺ (Formula one) കാറോട്ടത്തില്‍ ഈ സീസണിലെ ലോക ചാമ്പ്യനായി റെഡ്‌ബുൾ ഡ്രൈവർ മാക്‌സ് വെർസ്‌തപ്പാൻ. അബുദാബി ഗ്രാന്‍റ്പ്രീയിൽ കഴിഞ്ഞ തവണത്തെ ലോക ചാമ്പ്യൻ മെഴ്‌സിഡസിന്‍റെ ലൂവിസ് ഹാമിൽട്ടനെ അവസാന ലാപ്പിൽ അട്ടിമറിയിലൂടെയാണ് വെർസ്‌തപ്പാൻ കീഴടക്കിയത്.
ഇന്നലെ ഇരുവരും 369.5 പോയിന്‍റ് വീതം നേടി സമനിലയിലായിരുന്നു. ഇന്നലെ നടന്ന പോൾ പൊസിഷനിൽ വെർസ്‌തപ്പാൻ മത്സരത്തിൽ നിർണായക മുൻതൂക്കം നേടിയിരുന്നു. അതിനാൽ തന്നെ ഹാമിൽട്ടൻ ഗ്രിഡിൽ രണ്ടാമനായാണ് മത്സരം തുടങ്ങിയത്.