ഓൾഡ് ട്രഫോഡ്: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡ് വിജയവഴിയിൽ തിരിച്ചെത്തി. ബ്രൈറ്റനെ എതിരില്ലാത്ത രണ്ടു ഗോളിനാണ് യുണൈറ്റഡ് തോൽപിച്ചത്. രണ്ട് മത്സരങ്ങൾക്ക് ശേഷമാണ് മാഞ്ചസ്റ്റർ യുണൈറ്റഡ് വിജയ വഴിയിൽ എത്തിയത്. മത്സരത്തിന്‍റെ ആദ്യ പകുതിയിൽ ബ്രൈറ്റണിന്‍റെ ആധിപത്യമാണ് കാണാനായത്.
യുണൈറ്റഡ് ഡോൾ കീപ്പർ ഡി ജിയയുടെ അത്ഭുത സേവുകൾ ആദ്യ പകുതിയില്‍ മത്സരം ഗോൾ രഹിതമാക്കി. തുടർച്ചയായ അഞ്ച് മത്സരത്തിലെ ഗോൾ വരൾച്ചക്ക് വിരാമമിട്ട് കൊണ്ട് 51-ാം മിനിറ്റിൽ റൊണാൾഡോയാണ് യുണൈറ്റഡിനെ മുന്നിലെത്തിച്ചത്. ബ്രൈറ്റൺ താരങ്ങളെ ഡ്രിബിൾ ചെയ്‌ത ബോക്‌സിന് പുറത്ത് നിന്നുള്ള ഷോട്ടിലൂടെ റൊണാൾഡോ ലക്ഷ്യം കണ്ടു.