മാഞ്ചസ്റ്റർ: എർലിങ് ഹാലണ്ട് മാഞ്ചസ്റ്റർ സിറ്റിയിലെത്തുമെന്ന് ഉറപ്പായി. ബൊറുസിയ ഡോർട്ടുമുണ്ടുമായി ഹാലണ്ടിന്‍റെ ട്രാൻസ്‌ഫറിൽ ധാരണയിൽ എത്തിയതായാണ് മാഞ്ചസ്റ്റർ സിറ്റി ഇന്ന് പ്രഖ്യാപിച്ചത്. ജൂലായ് ഒന്നിന് താരം ക്ലബിലെത്തുമെന്നും കരാറും മറ്റു കാര്യങ്ങളും പിന്നീട് അറിയിക്കുമെന്നും സിറ്റി ഔദ്യോഗിക കുറിപ്പിൽ വ്യക്‌തമാക്കി.
ഇടപാടിന്‍റെ സാമ്പത്തിക വിശദാംശങ്ങൾ ക്ലബ് നൽകിയിട്ടില്ല, എന്നാൽ ജർമ്മൻ മാധ്യമങ്ങളുടെ റിപ്പോർട്ട് പ്രകാരം, ഒരു മൾട്ടി-ഇയർ ഡീലിൽ ഹാലാൻഡിനെ ടീമിലെത്തിക്കുന്നതിനുള്ള താരത്തിന്‍റെ ശമ്പളവും ഏജന്‍റ് ഫീസും ബോണസും ഉൾപ്പെടെ ആകെ ചെലവ് 300 ദശലക്ഷം യൂറോ കവിയുമെന്നാണ്.