മാഡ്രിഡ് : മാഡ്രിഡ് ഓപ്പൺ ടെന്നിസ് ടൂര്‍ണമെന്‍റിന്‍റെ പുരുഷ സിംഗിള്‍സ് വിഭാഗത്തിന്‍റെ കലാശപ്പോരിന് ടിക്കറ്റെടുത്ത് ജര്‍മനിയുടെ അലക്‌സാണ്ടര്‍ സ്വരേവ്. സെമിയില്‍ ഗ്രീക്ക് താരം സ്റ്റെഫാനോസ് സിറ്റ്സിപാസിനെയാണ് നിലവിലെ ചാമ്പ്യന്‍ കൂടിയായ സ്വരേവ് കീഴടക്കിയത്. ഒന്നിനെതിരെ രണ്ട് സെറ്റുകള്‍ക്കാണ് സ്വരേവിന്‍റെ വിജയം.
സ്‌കോര്‍ : 6-4, 3-6, 6-2. വിജയത്തോടെ കഴിഞ്ഞ മാസം നടന്ന മോണ്ടെ കാർലോ സെമിയിലെ തോല്‍വിക്ക് സിറ്റ്സിപാസിനോട് പകരം വീട്ടാനും രണ്ടാം സീഡായ ജര്‍മന്‍ താരത്തിനായി. എടിപി മാസ്റ്റേഴ്‌സ് 1000 ഇവന്‍റില്‍ 25കാരനായ സ്വരേവ് തന്‍റെ 10ാം ഫൈനലില്‍ അറാം കിരീടമാണ് ലക്ഷ്യംവയ്‌ക്കുന്നത്.