ലണ്ടൻ: സ്‌കോട്‌ലന്‍ഡ് യുവതാരമായ കാല്‍വിന്‍ റാംസെയെ തട്ടകത്തിലെത്തിച്ച് പ്രീമിയര്‍ ലീഗ് വമ്പന്മാരായ ലിവർപൂൾ. സ്‌കോട്‌ലന്‍ഡ് അണ്ടര്‍ 21 ദേശീയ ടീം അംഗമായ റാംസെ പ്രതിരോധ താരമാണ്. സ്‌കോട്ടിഷ്‌ ക്ലബായ അബെര്‍ഡീനില്‍ നിന്നാണ് റാംസെയെ ആൻഫീൽഡിലെത്തിച്ചത്.
അബെര്‍ഡീൻ ക്ലബ് ചരിത്രത്തിലെ റെക്കോഡ് തുകക്കാണ് താരം ടീം വിട്ടത്. അഞ്ചുവര്‍ഷത്തേക്കാണ് 18- കാരൻ ലിവർപൂളുമായി കരാറിലെത്തിയത്. പത്തു മില്യൺ പൗണ്ടോളമാണ് അബെർഡീന് ലിവർപൂൾ നൽകുക. സ്‌കോട്ടിഷ്‌ ഫുട്‌ബോള്‍ റൈറ്റേഴ്‌സ് അസോസിയേഷന്‍റെ മികച്ച യുവതാരത്തിനുള്ള പുരസ്‌കാരം നേടിയ റാംസെ പിഎഫ്‌എ യങ് പ്ലെയർ ഓഫ് ദ ഇയർ അവാർഡിനും നാമനിർദ്ദേശം ചെയ്യപ്പെട്ടിരുന്നു.