പാരീസ്: ഫ്രഞ്ച് സൂപ്പർ സ്‌ട്രൈക്കര്‍ കിലിയൻ എംബാപ്പെ സ്പാനിഷ് ക്ലബ് റയൽ മാഡ്രിഡിലേക്കില്ല. ഫ്രഞ്ച് ക്ലബ് പിഎസ്‌ജിയുമായുള്ള കരാര്‍ താരം പുതുക്കി. പിഎസ്‌ജിയുമായുള്ള കരാർ എംബാപ്പെ മൂന്ന് വര്‍ഷത്തേക്ക് കൂടി പുതുക്കിയതായി ക്ലബ് പ്രസിഡന്‍റ് നാസർ അൽ ഖെലൈഫിയാണ് പ്രഖ്യാപിച്ചത്.
ജൂണ്‍ അവസാനത്തോടെ കരാര്‍ അവസാനിക്കാനിരിക്കെയാണ് സൂപ്പര്‍ താരം ക്ലബുമായുള്ള കരാര്‍ പുതുക്കിയിരിക്കുന്നത്. ഇതോടെ 2025 വരെ താരം ടീമിനൊപ്പം തുടരും. പുതിയ കരാര്‍ പ്രഖ്യാപിച്ചതിന് പിന്നാലെ 2025 എന്നെഴുതിയ പിഎസ്‌ജി ജേഴ്‌സി ഉയര്‍ത്തിപ്പിടിച്ച് ഖെലൈഫിയ്‌ക്കൊപ്പം നില്‍ക്കുന്ന എംബാപ്പയുടെ ചിത്രം ക്ലബ് ട്വീറ്റ് ചെയ്‌തിട്ടുണ്ട്.
ടീമിനൊപ്പം തുടരുന്നതില്‍ അതിയായ സന്തോഷമുണ്ടെന്ന് ആരാധകരെ അഭിസംബോധന ചെയ്‌തുകൊണ്ട് എംബാപ്പെ പറഞ്ഞു. "ഫ്രാന്‍സില്‍, പാരീസില്‍, എന്‍റെ നഗരത്തില്‍ നിന്നുകൊണ്ട് ഈ സാഹസികത തുടരുന്നതിൽ അതിയായ സന്തോഷമുണ്ട്.