എറണാകുളം : കേരള വനിത ലീഗ് കിരീടം ഗോകുലം കേരള എഫ്‌സിക്ക്. ഇന്ന് നടന്ന മത്സരത്തിൽ ഡോണ്‍ ബോസ്‌കോയെ എതിരില്ലാത്ത മൂന്ന് ഗോളുകൾക്കാണ് ഗോകുലം കേരള പരാജയപ്പെടുത്തിയത്. വിജയത്തോടെ 9 മത്സരങ്ങളിൽ നിന്ന് 27 പോയിന്‍റുമായി ഗോകുലം കേരള ലീഗിൽ ഒന്നാം സ്ഥാനത്ത് നിൽക്കുകയാണ്. ജനുവരി 23ന് നടക്കുന്ന ഡോണ്‍ ബോസ്കോയ്ക്ക് എതിരായ ലീഗിലെ അവസാന മത്സരത്തില്‍ ഗോകുലത്തിന് കിരീടം സമ്മാനിക്കും.
ഡോണ്‍ ബോസ്‌കോക്കെതിരായ മത്സരത്തിൽ എൽഷദായിയുടെ ഇരട്ടഗോളാണ് കേരളത്തിന് കിരീടം സമ്മാനിച്ചത്. 85, 94 മിനിട്ടുകളിലാണ് താരം ഗോൾ നേടിയത്. ലീഗിലെ ടോപ് സ്കോററായ എൽഷദായിയക്ക് ഇതോടെ 9 മത്സരങ്ങളിൽ നിന്ന് 39 ഗോളുകളായി. 58-ാം മിനിട്ടിൽ മാനസയാണ് ഗോകുലത്തിന്‍റെ മറ്റൊരു ഗോൾ സ്വന്തമാക്കിയത്.