സുഞ്ചിയോൺ : കൊറിയൻ ഓപ്പണ്‍ ബാഡ്‌മിന്‍റൺ ചാമ്പ്യൻഷിപ്പിലെ ഇന്ത്യന്‍ പ്രതീക്ഷകള്‍ അവസാനിച്ചു. പിവി സിന്ധുവിന് പിന്നാലെ കിഡംബി ശ്രീകാന്തും സെമിയിൽ പുറത്ത്. പുരുഷ സിംഗിൾസ് സെമിയിൽ ഇന്തോനേഷ്യയുടെ ലോക എട്ടാം നമ്പര്‍ താരമായ ജോനാഥൻ ക്രിസ്റ്റിയോടാണ് ശ്രീകാന്ത് കീഴടങ്ങിയത്. 50 മിനിട്ട് നീണ്ടുനിന്ന മത്സരത്തില്‍ നേരിട്ടുള്ള സെറ്റുകള്‍ക്കാണ് ലോക 12ാം നമ്പറായ ഇന്ത്യന്‍ താരത്തിന്‍റെ തോല്‍വി. സ്‌കോര്‍: 19-21, 16-21.
പലകുറി മുന്നിട്ട് നിന്നതിന് ശേഷമാണ് ശ്രീകാന്തിന് ആദ്യ സെറ്റ് നഷ്‌ടമായത്. ക്രിസ്റ്റിക്കെതിരെ തുടർച്ചയായി നാല് പോയിന്‍റുകൾ നേടി 5-2ന് തുടക്കം തന്നെ ശ്രീകാന്ത് ലീഡ് ചെയ്തിരുന്നു. എന്നാൽ ഇന്തോനേഷ്യൻ താരം 6-6 ന് ഒപ്പമെത്തി. ഇടവേളയ്‌ക്ക് ശേഷം ഒരു ഘട്ടത്തില്‍ 11-8 എന്ന നിലയിലും, 18-17നും ഇന്ത്യന്‍ താരം മുന്നിട്ട് നിന്നെങ്കിലും 21-19ന് ക്രിസ്റ്റി സെറ്റ് പിടിച്ചു.