കൊച്ചി : മുൻ നായകൻ സന്ദേശ് ജിങ്കന് ധരിച്ചിരുന്ന 21ാം നമ്പർ ജഴ്‌സി തിരികെ കൊണ്ടുവന്ന് കേരള ബ്ലാസ്‌റ്റേഴ്‌സ്. പുതിയ സീസണില്‍ പ്രതിരോധ താരം ബിജോയ് വർഗീസാണ് 21ാം നമ്പറിലിറങ്ങുകയെന്ന് ക്ലബ് അറിയിച്ചു. ബിജോയ് വർഗീസുമായി ബ്ലാസ്‌റ്റേഴ്‌സ് പുതിയ കരാര്‍ ഒപ്പുവച്ചിരുന്നു.
2021ൽ ബ്ലാസ്‌റ്റേഴ്‌സിന്‍റെ സീനിയർ ടീമിന്‍റെ ഭാഗമായ ബിജോയ് കഴിഞ്ഞ ഐഎസ്എൽ സീസണിൽ അഞ്ച് മത്സരങ്ങളിൽ കളിച്ചിട്ടുണ്ട്. കരാര്‍ ദീര്‍ഘിപ്പിച്ചതോടെ 22 കാരനായ ബിജോയ് 2025 വരെ ക്ലബ്ബിനൊപ്പം തുടരും.
ആറ് വർഷം ബ്ലാസ്‌റ്റേഴ്‌സിനായി കളിച്ച ജിങ്കൻ 2020ല്‍ ക്ലബ് വിട്ടിരുന്നു. തുടര്‍ന്ന് ജിങ്കനോടുള്ള ആദരസൂചകമായി 21ാം നമ്പർ ജേഴ്‌സി ബ്ലാസ്‌റ്റേഴ്‌സ് പിന്‍വലിക്കുകയും ചെയ്‌തു. എന്നാല്‍ കഴിഞ്ഞ സീസണില്‍ ബ്ലാസ്‌റ്റേഴ്‌സുമായുള്ള മത്സരശേഷം എടികെ മോഹന്‍ ബഗാന്‍റെ താരമായ ജിങ്കന് നടത്തിയ സെക്സിസ്റ്റ് പരാമര്‍ശം വലിയ ചര്‍ച്ചയായി.