മോണ്ടെവീഡിയോ : ഐഎസ്‌എല്‍ ക്ലബ് കേരള ബ്ലാസ്‌റ്റേഴ്‌സ് നായകന്‍ അഡ്രിയാന്‍ ലൂണ വിവാഹിതനായി. ദീര്‍ഘ നാളായി സുഹൃത്തായിരുന്ന മരിയാനയെയാണ് ലൂണ ജീവിത സഖിയാക്കിയത്. കഴിഞ്ഞ ദിവസം നടന്ന വിവാഹത്തിന്‍റെ ചിത്രങ്ങള്‍ ലൂണ സോഷ്യല്‍ മീഡിയയില്‍ പങ്കുവച്ചിട്ടുണ്ട്.
താരത്തിന് ആശംസകള്‍ നേര്‍ന്ന് ബ്ലാസ്‌റ്റേഴ്‌സും ആരാധകരും രംഗത്തെത്തി. ‘മജീഷ്യൻ ഇൻ ചീഫ്’ ലൂണയ്ക്കും മരിയാനയ്ക്കും ജീവിതമാകെ സന്തോഷമുണ്ടാകട്ടെയെന്ന് ബ്ലാസ്‌റ്റേഴ്‌സ് ട്വീറ്റ് ചെയ്‌തു. 30കാരനായ ലൂണയുമായുള്ള കരാര്‍ 2024 വരെ ബ്ലാസ്‌റ്റേഴ്‌സ് ദീര്‍ഘിപ്പിച്ചിരുന്നു.