ഗോവ: ഐഎസ്‌എല്ലിൽ ഇന്നലെ നടന്ന മത്സരത്തില്‍ ബംഗളൂരു എഫ്‌സിയെ നോര്‍ത്ത് ഈസ്റ്റ് അട്ടിമറിച്ചു. ഒന്നിനെതിരെ രണ്ട് ഗോളുകള്‍ക്കായിരുന്നു നോര്‍ത്ത് ഈസ്റ്റിന്‍റെ ജയം. ജയിച്ചിരുന്നെങ്കില്‍ ബംഗളൂരുവിന് ആദ്യ നാലിലെത്താനുള്ള അവസരമുണ്ടായിരുന്നു.
എന്നാല്‍ സുവര്‍ണാവസരം സുനില്‍ ഛേത്രിയും സംഘവും പാഴാക്കി. ലീഡ് നേടിയ ശേഷമായിരുന്നു ബംഗളൂരുവിന്‍റെ തോല്‍വി.
66-ാം മിനിറ്റില്‍ ഡാനിഷ് ഫറൂഖിന്‍റെ പാസിൽ നിന്നും ക്ലെയിറ്റൻ സില്‍വയാണ് ബംഗളൂരുവിനെ മുന്നിലെത്തിച്ചത്. 74-ാം മിനിറ്റില്‍ ബ്രൗണ്‍ നോര്‍ത്ത് ഈസ്റ്റിനെ ഒപ്പെത്തിച്ചു. 80-ാം മിനിറ്റിലായിരുന്നു നോര്‍ത്ത് ഈസ്റ്റിന്‍റെ ജയമുറപ്പിച്ച ഗോള്‍ വന്നത്. മാർസലീഞ്ഞോയുടെ പാസിൽ നിന്നും റാൾട്ടെയാണ് ഗോള്‍ നേടിയത്.
17 മത്സരങ്ങളില്‍ 23 പോയിന്‍റോടെ ബംഗളൂരു ആറാം സ്ഥാനത്ത് തുടരുന്നു. കഴിഞ്ഞ രണ്ട് മത്സങ്ങളിലും അവര്‍ക്ക് തോല്‍വിയായിരുന്നു ഫലം. ജയിച്ചെങ്കിലും നോര്‍ത്ത് ഈസ്റ്റ് 10-ാം സ്ഥാനത്ത് തന്നെയാണ്. 18 മത്സരങ്ങളില്‍ 13 പോയിന്‍റാണ് അവര്‍ക്കുള്ളത്.
ALSO READ:ISL: ആദ്യ നാലിൽ സ്ഥാനമുറപ്പിക്കാനായി ബ്ലാസ്റ്റേഴ്‌സ് ഇന്ന് മോഹൻ ബഗാനെ നേരിടും
