മഡ്‌ഗാവ്: ഐഎസ്എല്ലിൽ ഫൈനൽ ലക്ഷ്യമിട്ട് രണ്ടാം പാദ സെമി ഫൈനലിനിറങ്ങുന്ന കേരള ബ്ലാസ്റ്റേഴ്‌സിന്‍റെ പ്ലേയിങ് ഇലവനിൽ വലിയ മാറ്റങ്ങൾ. ആദ്യ പാദത്തിലെ വിജയ ശിൽപി സഹൽ അബ്‌ദുൾ സമദും, സഞ്‌ജീവ് സ്റ്റാലിനും ടീമിന് പുറത്തായി. ജംഷദ്‌പൂരിന് എതിരായ മത്സരത്തില്‍ സഹലിനെ പ്ലേയിങ് ഇലവനിൽ നിന്ന് പുറത്തിരുത്തിയതിന്‍റെ കാരണം ടീം മാനേജ്മെന്‍റ് ഇതുവരെ വ്യക്‌തമാക്കിയിട്ടില്ല.
സഹലിന് പകരം സന്ദീപും, സ്റ്റാലിന് പകരം നിശു കുമാറും ടീമിൽ ഇടം നേടി. അഡ്രിയാൻ ലൂണ, ഡിയസ്, വാസ്‌കസ് എന്നിവരാണ് മുന്നേറ്റനിരയിൽ സ്ഥാനം പിടിച്ചിട്ടുള്ളത്. ആയുശും പൂട്ടിയയും മധ്യനിരയിൽ തുടരും. പ്രതിരോധ നിരയിൽ റൂയ്‌വ ഹോർമിപാം, ലെസ്‌കോവിച്ച്, ഖാബ്ര, സന്ദീപ് , നിശു എന്നിവരുമുണ്ടാകും.