ബംബോലി: ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്‌സ് ഇന്ന് ജംഷദ്‌പൂർ എഫ്‌സിയെ നേരിടും. വിജയത്തോടെ പോയിന്‍റ് പട്ടികയിൽ ആദ്യ സ്ഥാനങ്ങളിലേക്ക് എത്തുക എന്ന ലക്ഷ്യത്തോടെയാണ് ഇരു ടീമുകളും ഇന്ന് പന്ത് തട്ടുന്നത്. ബംബോലിയിൽ രാത്രി 7.30 നാണ് മത്സരം.
ആദ്യ പാദ മത്സരത്തിൽ ഏറ്റുമുട്ടിയപ്പോൾ ഇരു ടീമുകളും ഒരു ഗോൾ നേടി സമനിലയില്‍ പിരിഞ്ഞിരുന്നു. നിലവിൽ 13 മത്സരങ്ങളിൽ 23 പോയിന്‍റുമായി രണ്ടാം സ്ഥാനത്താണ് ബ്ലാസ്റ്റേഴ്‌സ്. ഇത്രതന്നെ മത്സരങ്ങളിൽ നിന്ന് 22 പോയിന്‍റുമായി അഞ്ചാം സ്ഥാനത്താണ് ജംഷദ്‌പൂർ. ഇന്ന് വിജയിക്കാനായാൽ ബ്ലാസ്റ്റേഴ്‌സിന് ഹൈദരാബാദിനെ മറികടന്ന് ഒന്നാം സ്ഥാനത്തേക്കെത്താൻ സാധിക്കും. ജംഷദ്‌പൂരിന് ജയിക്കാനായാൽ രണ്ടാം സ്ഥാനത്തേക്കെത്താം.