ഐഎസ്എല്ലില്‍ ഇന്ന് ഒഡിഷയും ചെന്നൈയിനും മുഖാമുഖം

ആദ്യപാദത്തിൽ ഏറ്റുമുട്ടിയപ്പോൾ ചെന്നൈയിൻ ഒന്നിനെതിരെ രണ്ട് ഗോളിന് ഒഡിഷയെ തോൽപിച്ചിരുന്നു.

പനജി:ഐഎസ്എല്ലിൽ ചെന്നൈയിൻ എഫ്‌സി ഇന്ന് ഒഡിഷ എഫ്‌സിയെ നേരിടും. ഗോവയിൽ വൈകിട്ട് 7.30 നാണ് കളി തുടങ്ങുക. 16 കളിയിൽ നിന്ന് 21 പോയിന്‍റോടെ ഒഡിഷ ഏഴും 19 പോയിന്‍റുള്ള ചെന്നൈയിൻ എട്ടും സ്ഥാനത്താണ്.

പ്ലേ ഓഫ് പ്രതീക്ഷ നിലനിർത്താൻ ഇരു ടീമിനും ജയം അനിവാര്യമാണ്. കുറച്ച് മത്സരങ്ങൾ മാത്രമാണ് ലീഗിൽ ബാക്കിയുള്ളത്. സമനിലകൾ പോലും ടീമുകൾക്ക് കനത്ത ആഘാതമേൽപ്പിക്കും.

ആദ്യപാദത്തിൽ ഏറ്റുമുട്ടിയപ്പോൾ ചെന്നൈയിൻ ഒന്നിനെതിരെ രണ്ട് ഗോളിന് ഒഡിഷയെ തോൽപിച്ചിരുന്നു.