കാലിഫോര്ണിയ : ഇന്ത്യൻ വെൽസ് ഓപ്പണ് ടെന്നിസ് ടൂര്ണമെന്റിന്റെ വനിത സിംഗിള്സ് കിരീടം പോളണ്ടിന്റെ ഇഗാ സ്വിറ്റെകിന്. ഫൈനലിൽ ഗ്രീസിന്റെ മരിയ സക്കാരിയെയാണ് 20കാരിയായ ഇഗാ തോല്പ്പിച്ചത്.
ഏകപക്ഷീയമായ രണ്ട് സെറ്റുകള്ക്കാണ് പോളണ്ട് താരത്തിന്റെ വിജയം. സ്കോര്: 6-4, 6-1. വിജയത്തോടെ ഡബ്ല്യുടിഎ ലോക റാങ്കിങ്ങില് രണ്ടാം സ്ഥാനത്തേക്കുയരാനും പോളിഷ് താരത്തിനായി. സക്കാരി മൂന്നാം സ്ഥാനത്തുണ്ട്.