മസ്‌കറ്റ്: ഏഷ്യ കപ്പ് വനിത ഹോക്കി ടൂർണമെന്‍റിൽ തകർപ്പൻ ജയത്തോടെ ഇന്ത്യ സെമിയിൽ. പൂൾ എയിലെ അവസാന മത്സരത്തിൽ സിങ്കപ്പൂരിനെ ഒന്നിനെതിരെ ഒൻപത് ഗോളുകൾക്കാണ് നിലവിലെ ചാമ്പ്യൻമാരായ ഇന്ത്യ തകർത്തത്.
ഇന്ത്യയ്ക്ക് വേണ്ടി ഗുര്‍ജിത് കൗര്‍ ഹാട്രിക്ക് ഗോളുകൾ നേടി. മോണിക്ക, ജ്യോതി എന്നിവര്‍ രണ്ട് ഗോള്‍ വീതം നേടിയപ്പോൾ വന്ദന കടാരിയ, മരിയാന കുജുര്‍ എന്നിവർ ഓരോ ഗോൾ വീതവും നേടി. സിങ്കപ്പുരിനായി ലി മിന്‍ തോയാണ് ആശ്വാസ ഗോള്‍ നേടിയത്.