മാഡ്രിഡ് : പോപ്പ് ഗായികയും സ്പാനിഷ് ടീമില്‍ സഹതാരമായിരുന്ന ജെറാർഡ് പീക്വെയുടെ മുൻ കാമുകിയുമായ ഷാക്കിറയുമായി ഡേറ്റിങ്ങിലാണെന്ന അഭ്യൂഹങ്ങളോട് രൂക്ഷമായി പ്രതികരിച്ച് ഫുട്ബോളര്‍ ഇകർ കസിയസ്. ഇത്തരം വാര്‍ത്തകളെല്ലാം വ്യാജമാണെന്ന് കസിയസ് തന്‍റെ ഇന്‍സ്റ്റഗ്രാം സ്റ്റോറിയിലൂടെയാണ് അറിയിച്ചത്. എവിടെ നിന്നാണ് ഇത്തരം വാര്‍ത്തകള്‍ വരുന്നതെന്ന് അറിയില്ലെന്ന് ഇതോടൊപ്പം ഒരു ഇമോജിയിലൂടെ താരം വ്യക്തമാക്കിയിട്ടുണ്ട്.
ഷാക്കിറയും കസിയസും ഇൻസ്റ്റഗ്രാമിൽ പരസ്പരം ഫോളോ ചെയ്തിരുന്നു. ഇതിന് പിന്നാലെയാണ് ഇരുവരും അടുപ്പത്തിലാണെന്ന അഭ്യൂഹങ്ങള്‍ പ്രചരിച്ചത്. ഭാര്യയായിരുന്ന സാറ കാർബോനെറോയിൽ നിന്ന് 41കാരനായ കസിയസ് അടുത്തിടെ വിവാഹ മോചനം നേടിയിരുന്നു. 2016ലാണ് കസിയസ് സ്പാനിഷ് സ്‌പോർട്‌സ് ജേണലിസ്റ്റായ സാറയെ വിവാഹം ചെയ്‌തത്.