ന്യൂഡല്‍ഹി : ടോക്കിയോ ഒളിമ്പിക്സില്‍ ഇന്ത്യയുടെ മെഡല്‍ പ്രതീക്ഷയായിരുന്ന ബോക്സര്‍ മേരി കോമിന്‍റെ പുറത്താക്കല്‍ ഞെട്ടലുളവാക്കുന്നതായിരുന്നു. വനിതകളുടെ 51 കിലോഗ്രാം വ്യക്തിഗത വിഭാഗത്തില്‍ പ്രീക്വാർട്ടറിലായിരുന്നു ഇന്ത്യയുടെ സൂപ്പർ താരം തോൽവി വഴങ്ങിയത്. കൊളംബിയയുടെ ഇൻഗ്രിറ്റ് വലൻസിയയുമായുള്ള ഏറ്റുമുട്ടലിൽ 3-2 നാണ് 32 കാരിയായ താരം പരാജയപ്പെട്ടത്.
എന്നാല്‍ തന്‍റെ പരാജയം കൃത്രിമവും വഞ്ചനയുമാണെന്നാണ് തോല്‍വിയെ പറ്റി താരം പ്രതികരിച്ചത്. ആദ്യ രണ്ട് റൗണ്ടുകളില്‍ താനാണ് വിജയിച്ചതെന്നും പിന്നെയെങ്ങനെയാണ് മത്സരം തോല്‍ക്കുകയെന്നുമാണ് മേരി കോമിന്‍റെ ചോദ്യം.
തോല്‍വിയില്‍ രാജ്യത്തോട് ക്ഷമ ചോദിക്കുന്നതായും താരം പറഞ്ഞു. അതേസമയം മത്സരത്തിന് തൊട്ടുമുമ്പത്തെ ജഴ്‌സി മാറ്റല്‍ തന്നെ മാനസികമായി ബാധിച്ചുവെന്നും താരം കൂട്ടിച്ചേര്‍ത്തു.