ബെര്‍ലിന്‍:ജര്‍മനിയില്‍ നടക്കുന്ന ഹിലോ ഓപ്പണ്‍ ബാഡ്‌മിന്‍റണ്‍ ടൂര്‍ണമെന്‍റിന്‍റെ സെമിയില്‍ പ്രവേശിച്ച് ഇന്ത്യയുടെ കിഡംബി ശ്രീകാന്ത്. പുരുഷ സിംഗിള്‍സ് ക്വാര്‍ട്ടര്‍ ഫൈനലില്‍ ഇന്തോനേഷ്യയുടെ ജൊനാഥന്‍ ക്രിസ്റ്റിയെയാണ് ശ്രീകാന്ത് തോല്‍പ്പിച്ചത്. 39 മിനിട്ട് മാത്രം നീണ്ടുന്ന നിന്ന മത്സരത്തില്‍ നേരിട്ടുള്ള സെറ്റുകള്‍ക്കാണ് ലോക ഏഴാം നമ്പറായ ഇന്തോനേഷ്യന്‍ താരം 11ാം നമ്പറായ ശ്രീകാന്തിനോട് കീഴടങ്ങിയത്.
സ്‌കോര്‍: 21-12, 21-19. കഴിഞ്ഞ ഏപ്രിലിന് ശേഷം ആദ്യമായാണ് ശ്രീകാന്ത് ഒരു മുന്‍നിര ടൂര്‍ണമെന്‍റിന്‍റെ അവസാന നാലില്‍ ഇടം നേടുന്നത്. ഇന്തോനേഷ്യയുടെ തന്നെ ലോക ആറാം നമ്പര്‍ താരമായ ആന്‍റണി സിനിസുകയാണ് സെമിയില്‍ ശ്രീകാന്തിന്‍റെ എതിരാളി.