ന്യൂഡൽഹി: ഇന്ത്യൻ ഹോക്കി ഇതിഹാസം ചരൺജിത് സിങ് (90) അന്തരിച്ചു. വാർദ്ധക്യ സഹജമായ അസുഖങ്ങളെ തുടർന്നുള്ള ഹൃദയാഘാതമാണ് മരണ കാരണം. ഹിമാചൽ പ്രദേശിലെ ഉനയിലെ വീട്ടിൽ വച്ചാണ് മരണം സംഭവിച്ചതെന്ന് മകന് വിപി സിങ് അറിയിച്ചു.
1964-ലെ ടോക്കിയോ ഒളിമ്പിക്സിൽ സ്വർണമെഡൽ നേടിയ ഇന്ത്യന് സംഘത്തിന്റെ നായകനായിരുന്നു. 1960ലെ ഒളിമ്പിക്സില് വെള്ളി നേടിയ ടീമിലും, 1962ലെ ഏഷ്യൻ ഗെയിംസിൽ വെള്ളി നേടിയ ടീമിലും അദ്ദേഹം അംഗമായിരുന്നു.