ലണ്ടൻ: മാഞ്ചസ്റ്റർ യുണൈറ്റഡിന്‍റെ യുവതാരം മേസണ്‍ ഗ്രീൻവുഡിനെതിരെ ലൈംഗികാതിക്രമ ആരോപണവുമായി താരത്തിന്‍റെ കാമുകി ഹാരിയറ്റ് റോബ്‌സണ്‍. ഗ്രീൻവുഡിൽ നിന്ന് ക്രൂര മർദനമേറ്റതിന്‍റെ ചിത്രങ്ങളും വീഡിയോയും ഇൻസ്റ്റഗ്രാം അക്കൗണ്ടിൽ പോസ്റ്റ് ചെയ്താണ് ഹാരിയറ്റ് ആരോപണം ഉന്നയിച്ചത്.
'മേസണ്‍ ഗ്രീൻവുഡ് എന്നോട് ചെയ്‌തത്' എന്ന അടിക്കുറുപ്പോടെയാണ് ഹാരിയറ്റ് ചോരയൊലിച്ച് നിൽക്കുന്ന വീഡിയോയും, മർദനമേറ്റ പാടുകളുടെ ചിത്രങ്ങളും പങ്ക്‌വെച്ചത്. മേസണ്‍ അശ്ലീല വാക്കുകൾ പ്രയോഗിക്കുന്നതിന്‍റെയും ലൈംഗിക ബന്ധത്തിൽ ഏർപ്പെടാൻ നിർബന്ധിക്കുന്നതിന്‍റെയും ഓഡിയോയും ഹാരിയറ്റ് പുറത്തു വിട്ടിട്ടുണ്ട്.