ദോഹ: 'പൊന്നുരുക്കുന്നിടത്ത് പൂച്ചയ്‌ക്ക് എന്ത് കാര്യമെന്ന്' ഒരു പഴഞ്ചൊല്ലുണ്ട്. ഇനിയിപ്പൊ ഖത്തര്‍ ലോകകപ്പിന്‍റെ കാര്യത്തില്‍ ആയാലും പൂച്ചയ്‌ക്ക് അങ്ങനെ പ്രത്യേക കാര്യമൊന്നില്ലെന്നതാണ് സത്യം. എന്നാല്‍ ബ്രസീല്‍ താരം വിനീഷ്യസ് ജൂനിയറിന്‍റെ വാര്‍ത്ത സമ്മേളനം തടസപ്പെടുത്തിയ ഒരു പൂച്ചയാണ് ഇപ്പോള്‍ സോഷ്യല്‍ മീഡിയയിലെ താരം.
ക്രൊയേഷ്യയ്‌ക്കെതിരായ പ്രീ ക്വാര്‍ട്ടര്‍ മത്സരത്തിന് മുന്നോടിയായാണ് വിനീഷ്യസ് വാര്‍ത്ത സമ്മേളനത്തിനെത്തിയത്. മാധ്യമപ്രവർത്തകരുടെ ചോദ്യങ്ങൾക്ക് താരം ഉത്തരം നൽകുമ്പോഴായിരുന്നു പൂച്ചയുടെ എന്‍ട്രി. തുടര്‍ന്ന് ഡയസില്‍ കയറി നിലയുറപ്പിച്ച പൂച്ചയെ ബ്രസീൽ മീഡിയ മാനേജറാണ് താഴെയിറക്കിയത്. സംഭവത്തിന്‍റെ വീഡിയോ സോഷ്യല്‍ മീഡിയയില്‍ വൈറലാണ്.